កំពង់ស្ពឺ៖ គ្រោះថ្នាក់ចរាចរណ៍រវាងរថយន្តបុកជាមួយម៉ូតូបណ្ដាលឲ្យមនុស្សពីរនាក់រងរបួសធ្ងន់។ ហេតុការណ៍គ្រោះថ្នាក់ចរាចរណ៍កើតឡើងនៅលើផ្លូវជាតិលេខ៤ ចន្លោះគីឡូម៉ែត្រ ៦២~៦៣ ត្រង់ចំណុចភូមិ ក្រាំងល្ហុង ឃុំមហាសាំង ស្រុកភ្នំស្រួច ខេត្តកំពង់ស្ពឺកាលពីថ្ងៃទី២៥ខែមករាឆ្នាំ២០១។
សមត្ថកិច្ចបានឲ្យដឹងថាមុនពេលកើតហេតុគេឃើញ មានម៉ូតូមួយគ្រឿង ម៉ាកហុងដា សេ ១២៥ ស៊េរី០១៧ពណ៍ខ្មៅពាក់ស្លាកលេខកំពង់ស្ពឺ ១H ៩៧៦៤អ្នកបើកបរមិនស្គាល់អត្តសញ្ញាណឌុបមនុស្សម្នាក់ពីក្រោយបើកបរពីកើតទៅលិចលុះបើក មកដល់ចំណុចខាងលើ បានវ៉ា រថយន្តធំមួយគ្រឿង មិនស្គាល់ម៉ាក ដែលបើកទិសស្រប គ្នាហើយក៍រេចង្កួតជ្រុលទៅបុករថយន្ត មួយគ្រឿង ម៉ាកNISSAN DIESEL ពណ៌ស ពាក់ស្លាកលេខភ្នំពេញ ចង្កូតស្តាំ LOS 0357 ដែលបើកបញ្ច្រាសទិសគ្នាបណ្តាលឲ្យអ្នកបើកបរម៉ូតូ នឹង អ្នកជិះ ពីក្រោយ រងរបួសធ្ងន់។
ប្រភពបន្តថាក្រោយពីកើតហេតុអ្នករងរបួសត្រូវបានរថយន្តសង្គ្រោះដឹកយកទៅ មន្ទីរពេទ្យចំណែករថយន្តបានក្រឡាប់ផ្ងារជើងហើយអ្នកបើកបរបានបើកទ្វារត់គេចខ្លួនបាត់ចំពោះវត្ថុតាងទាំងពីរត្រូវបានជំនាញយកមករក្សាទុកនៅអធិការដ្ឋាននគរបាលស្រុកភ្នំស្រួចដើម្បីដោះស្រាយតាមនីតិវិធី។