ក្រុងព្រះសីហនុ-រថយន្តធុនធំ5គ្រឿង បុកគ្នានៅកែងរ៉ាក្រុងព្រះសីហនុ ប៉ុន្តែមិនបណ្តាលឲ្យមានមនុស្សរងគ្រោះថ្នាក់ឡើយ។ តាមព័ត៌មានប្រចាំថ្ងៃរបស់ស្នងការដ្ឋាននគរបាលខេត្តព្រះសីហនុ បានឲ្យដឹងថា៖ នៅវេលាម៉ោង5:30 នាទីព្រឹក ថ្ងៃទី2 ខែធ្នូ ឆ្នាំ2017 នេះ មានគ្រោះថ្នាក់ចរាចរណ៍កើតឡើង រថយន្តធុនធំ ចំនួន5គ្រឿង បានបុកគ្នាជាបន្តបន្ទាប់ នៅលើផ្លូវវិថីផែ ត្រង់ចំណុច កែងរ៉ា ស្ថិតនៅក្នុងភូមិ3 សង្កាត់លេខ3 ក្រុង/ខេត្តព្រះសីហនុ។ ក្នុងនោះមាន៖ រថយន្តសណ្ដោងរឺម៉កស៊ីទែន ស៊ីម៉ងត៍ និង រថយន្តដឹកកុងតឺន័រចំនួន 4គ្រឿង។ ករណីគ្រោះថ្នាក់ខាងលើ មិនបណ្ដាលឲ្យមានអ្នករងរបួសទេ ខូចខាតរថយន្តចំនួន5គ្រឿង។ រថយន្តចំនួន5គ្រឿង សមត្ថកិច្ចកំពុងចាត់ចែងស្ទូចយកចេញពីកន្លែងកើតហេតុ ដើម្បីសម្រួលការ កកស្ទះ៕
