ជំនឿដែលជឿថា ទារកដែលបានទទួលបៅទឹកដោះម្តាយជាប់គ្នា រយៈពេល៦ខែ ជាការល្អបំផុតនោះ អាចមិនពិតនោះទេ ពេលអ្នកវិទ្យាសាស្ត្រស្រាវជ្រាវបានជួបថា ទារកបៅទឹកដោះម្តាយជាប់គ្នារយៈពេលយូរខែពេក អាចធ្វើឲ្យក្មេង ខ្វះសារធាតុអាហារបាន…
តាម ការសិក្សាស្រាវជ្រាវក្រុមគ្រូពេទ្យពីមហាវិទ្យាល័យ ឡុងដុន បានបង្ហើបឲ្យដឹងថា ទារកដែលចិញ្ចឹមដោយទឹកដោះម្តាយតែមួយមុខគត់ ជាប់គ្នារយៈពេល៦ខែ អាចធ្វើឲ្យទារក ខ្វះសារធាតុដែក នឹងអាចមានអាការៈមិនសូវរឹងប៉ឹង ដោយលទ្ធផលការសិក្សាជួបថា ទារកអាចលែងបៅទឹកដោះម្តាយ ក្រោយពីបានទទួលបៅជាប់គ្នារយៈពេល៤ខែ ទោះបីអ្នកជំនាញការពេទ្យណែនាំឲ្យទារកបៅទឹកដោះ ដូចដែលមានជំនឿខាងដើមយ៉ាងណាក៏ដោយ។
កាលពី ១០ឆ្នាំមុន អង្គការសុខភាពពិភពលោក (WHO) បានណែនាំថា ទារកគួរបានទទួលបៅទឹកដោះម្តាយជាប់គ្នា រយៈពេល៦ខែ ដោយសំអាងតាមលទ្ធផលនៃការសិក្សាកន្លងមក ក្នុងប្រទេសកំពុងអភិវឌ្ឍ សរុបបានថា ទារកដែលបៅទឹកដោះម្តាយរយៈ ៦ខែ អាចការពារឆ្លងមេរោកផ្សេងៗបានយ៉ាងប្រសើរ និងមិនជួបបញ្ហាផ្នែកការរីកចំរើនធំធាត់របស់ក្មេងនោះទេ។
ប៉ុន្តែ លទ្ធផលសិក្សាស្រាវជ្រាវថ្មីៗ របស់ក្រុមគ្រូពេទ្យរបស់សហរដ្ឋអាមេរិកត្រលប់ជួបថា ការផ្តល់ទឹកដោះម្តាយដល់ទារករយៈពេល៦ខែ អាចធ្វើឲ្យក្មេងបានទទួលសារធាតុអាហារ ត្រូវការមិនគ្រប់គ្រាន់។ ដោយការសិក្សាស្រាវជ្រាវនៅក្នុងឆ្នាំ ២០០៧ បានឲ្យដឹងថា ការឲ្យទឹកដោះម្តាយរយៈពេល៦ខែ បានធ្វើឲ្យក្មេងអាចងាយ កើតរោគលោហិតក្រហមច្រើនឡើង ឬជម្ងឺខ្វះឈាមស។
ជាមួយ គ្នានេះដែរ តាមលទ្ធផលសិក្សារបស់គ្រូពេទ្យពីមហាវិទ្យាល័យឡុងដុនរបស់អង់គ្លេស ក៏បានគាំទ្រលទ្ធផលសិក្សា ដូចពោលខាងលើដោយបញ្ជាក់ថា ការកើតរោគចំពោះក្មេងកាន់តែច្រើនឡើង ក្រោយពីចាប់ផ្តើមឲ្យទារកបៅទឹកដោះម្តាយ រយៈពេល៦ខែ ជារយៈពេលយូរពេក ហើយជម្ងឺក្មេងថយចុះវិញនៅពេលផ្លាស់ប្តូរត្រលប់ឲ្យទារកបៅទឹកដោះ ម្តាយនៅរយៈត្រឹមតែ៤ខែ ប៉ុណ្ណោះបានហើយ វាជាការល្អសម្រាប់សុខភាពក្មេងរឹងប៉ឹងមាំមួន បន្ទាប់ពីម្តាយត្រូវបំប៉នអាហារឲ្យមានសារធាតុគ្រប់គ្រាន់ ដើម្បីចិញ្ចឹមដល់សរីរាង្គកាយក្មេង ដែលកំពុងលូតលាស់៕
ប្រភព៖http://cambodiaoffice.blogspot.com/
