ភ្នំពេញ៖ គ្រោះថា្នក់ចរាចរណ៍មួយបានកើតឡើង ដែលបង្កដោយរថយន្ដក្រុង១គ្រឿង បានកិនបុរសម្នាក់ បណ្ដាលឲ្យបែកក្បាលស្លាប់ភ្លាមៗនៅនឹងកន្លែង ខណៈដែលកំពុងជិះម៉ូតស្របទិសគ្នា ជាមួយនឹងរថយន្តក្រុង។
ហេតុការណ៍គ្រោះថ្នាក់ចរាចរណ៍នេះ កើតឡើងនៅរសៀលថ្ងៃទី១២ ខែមីនា ឆ្នាំ២០១៨នេះ លើផ្លូវមុនីវង្ស សង្កាត់ទន្លេបាសាក់ ខណ្ឌចំការមន បណ្តាលឲ្យកកស្ទះចរាចរ នៅកន្លែងកើតហេតុ ដោយសារតែផ្លូវអែបស្ពានតូចចង្អៀត។ ជនរងគ្រោះ មិនទាន់ស្គាល់អត្តសញ្ញាណនៅឡើយទេ ដោយជិះម៉ូតូវីវ៉ា ពណ៌ខ្មៅ ពាក់ស្លាកលេខ ភ្នំពេញ 1L-7468។ ចំណែកអ្នកបើករថយន្តបង្ក បានរត់គេចពីកន្លែងកើតហេតុផងដែរ៕
រូបភាព
រូបភាព
រូបភាព