ឧត្តរមានជ័យ ៖ យុវជនពីរនាក់ ដែលជាជនដៃដល់ ត្រូវបានកម្លាំងកងរាជអាវុធហត្ថ ស្រុកត្រពាំង ប្រាសាទ បញ្ជូនទៅតុលាការ ខេត្តឧត្តរមានជ័យ កាលវេលាម៉ោង១១និង៣០នាទី នាថ្ងៃទី១៣ ខែមករា ឆ្នាំ២០១៨ ពាក់ព័ន្ធនឹងករណីឃាតកម្ម។
មន្ត្រីកងរាជអាវុធហត្ថស្រុកត្រពាំងប្រាសាទ បានឲ្យដឹងថា ជនសង្ស័យ ទី១.ឈ្មោះ បឿន សុភ័ក្រ ភេទ ប្រុសអាយុ២២ឆ្នាំ មុខរបរធ្វើសិប្បកម្ម រស់នៅភូមិស្រះជ្រៃ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្តរមានជ័យ និងទី២ឈ្មោះ ឌី ចំរ៉ុង ភេទប្រុស អាយុ២៤ឆ្នាំមុខរបរធ្វើសិប្បកម្ម រស់នៅភូមិអូរសោម ឃុំ-ស្រុកត្រពាំងប្រាសាទ ខេត្តឧត្តរមានជ័យ។ ពួកគេត្រូវបានឃាត់ខ្លួនកាលពីវេលាម៉ោង១៩ និង៣០នាទីថ្ងៃទី១២ ខែមករា ឆ្នាំ២០១៨ នៅចំណុច ភូមិស្រែក្រសាំង ឃុំ-ស្រុកត្រពាំងប្រាសាទ ខេត្តឧត្តរមានជ័យ។
សមត្ថកិច្ចបន្តថា ជនសង្ស័យទាំងពីរនាក់ខាងលើ បានធ្វើសកម្មភាពសម្លាប់ជនរងគ្រោះឈ្មោះ សៀ ឆាលី ភេទប្រុស អាយុ១៨ឆ្នាំ មានមុខរបរធ្វើស្រែ រស់នៅភូមិស្រែក្រសាំង ឃុំ-ស្រុកត្រពាំងប្រាសាទ កាលពីយប់ថ្ងៃទី១១ ខែមករា ឆ្នាំ២០១៨។ ដោយជនរងគ្រោះ ត្រូវជនសង្ស័យចាក់ចំក្រោមឆ្អឹងជំនីផ្នែកខាងឆ្វេងបណ្ដាលឲ្យស្លាប់នៅនឹងកន្លែងកើតហេតុ ៕
